Paano Gumawa ng Chocolate Chip Cookies

 

I.      LAYUNIN

Inaasahan na;

·         Masunod ang sumusunod na mga hakbang upang makagawa ng cookies.

·         Makagawa ng masarap na cookies

·         Makapahayag ng lugod na kasiyahan dahil sa paggawa ng cookies.

 

II.     MGA KAGAMITAN AT SANGKAP

a.  Mga Kagamitan

·         Malaking mangkok

·         Wire whisk

·         Spatula

·         Maliit na kaserola

·         Panukat na tasa

·         Panukat na kutsara

·         Baking tray

·         Ice cream scoop

·         Wax paper/parchment paper

·         Oven

b.  Mga Sangkap

·         ½ tasa ng butter o isang stick

·         ½ tasa kayumangging asukal

·         ½ tasa puting asukal

·         1 itlog

·         1 kutsarita ng vanilla extract

·         ½ kutsarita asin

·         ½ kutsarita baking soda

·         1 1/3 tasa All-Purpose Flour o harina

·         1 tasa chocolate chips

 

III.   MGA HAKBANG

1.  Sa maliit na caserola, tunawin ang butter. Antayin na maging medyo kulay kayumanggi ito.

2.  Pagkatapos tunawin, ibuhos ito sa malaking mangkok at antayin na lumamig ng konti. Pag ito ay malamig na, ilagay ang puti at kayumangging asukal. Ihalo ito ng Mabuti.

3.  Kapag nahalo na ito ng mabuti, ilagay ang itlog, asin, at baking soda. Ihalo ito ng mabuti hanggang maging makapal na o di kaya ay para nang laso ang hinahalo.

4.  Pagkatapos ay ilagay sa hinahalo ang harina at chocolate chips at ihalo ito ng mabuti.

5.  Pag nakahalo na ito ng mabuti, ilagay ang hinalo o a dough sa repridyerator ng 15 minutos.

6.  Pagkatapos ng 15 minutos, e pre-heat o pansamantalang painitin ang oven sa 350° F.

7.  Habang umiinit ang oven, kunin ang baking tray at gumipit ng tamang laki na parchment paper at ilagay ito sa tray.

8.  Kumuha ng tamang dami ng parte ng dough at bilog-bilogin ito o di kaya gumamit ng ice cream scooper upang pareho ang timbang ng bawat ng bilog.

9.  Pagkatapos mag bilog-bilog sa dough, ilagay ito sa baking tray na may parchment paper na may tamang layo sa bawat isa.

10. Ilagay ang tray sa oven at i-bake ito ng 12 minutos.

11. Pagkatapos ng 12 minutos, ilabas ito sa oven at antayin na ito ay lumamig bago tanggalin sa tray.

12. Ihanda o ihain ang cookies at mag enjoy.

 

IV.     KONKLUSYON/EBALWASYON

Tunay na masarap talaga ang cookies kung ito ay nakasunod talaga sa resipi.

Kung ang iyong cookies ay hindi nagtagumpay, maaring isa sa mga dito ang dahilan:

·         Kung ang cookies ay napaka lambot, maaring dahil sa butter. Tandaang dapat medyo malamig na ang butter bago ilagay ang mga asukal. Dahil kung mainit pa itong ilalagay, matutunaw ang asukal na magreresulta ng napaka lambot na cookies.

·         Kung medyo malambot pa ang iyong cookies, ilagay ito ulit sa oven sa kragdagang 3 minutos.

·         Kung napakatigas ang iyong cookies, maaring na sobrahan ito sa pagluto o di kaya’y nasobrahan ang iyong harina at nakulangan ang iyong baking soda.